Hos 14 | ZomZIV | STEP | Israel aw, TOPA na Pasian lamah kihei in. Nang mawhnate in na pukna ahi hi.

jZaila 4:11

Hosea 14

Kisikna in Thupha Puak

1 Israel aw, TOPA na Pasian lamah kihei in. ^a
Nang mawhnate in na pukna ahi hi. ^b
2 Kammalte keng inla
TOPA kiangah kihei in.
Ama kiangah:
“Ka mawhna khempeuh uh hong maisak inla
ka muk ^{▼▼14.2 Ahikeh bawngtal a biakna bangin ka mukte uh kong pia uh hi.} gahte uh nang kong piak theih nadingun,
nong hehpihna-in kote hong sang in. ^d
3 Assyria in kote hong hon thei lo hi.
gal sakol tungah ka tuang kei ding uh hi. ^e
Pa nei lote in nang tung pan khuatuahna mu uh ahi manin ^f
kote in ka khut uh tawh ka bawlte uh tungah
‘Kote pasiante’ ka ci nawn kei ding uh hi.” ci un. ^g
4 “Amaute tungah heh nawn lo ka hi manin ^h
amaute lampialna ka damsak dinga,
man ngen loin ka it ding hi.
5 Israel-te tungah keimah daitui ka bang dinga,
amah unok pak bangin a pak ding hi.
Lebanon tamtak bangin
a zung khasuk ding hi;
6 a hiang mengte a khangkhia ding hi.
Ama thupina olive kung khat bang dinga, ⁱ
ama namtuina Lebanon tamtak kung khat a bang ding hi. ^j
7 Ama liim ah mite teng kik ding uh a, ^k
ankung bangin amah khanpha ding hi.
Lenggui khat bangin amah pak dinga,
ama minliatna Lebanon pana zu tawh kibang ding hi.
8 Ephraim aw, milimte banga mang nawn ding ka ^{▼▼14.8 Ahikeh Ephraim in bang neih thuah hiam?} hi hiam?
Amah ka dawng dinga, amah ka don ding hi.
Keimah taksing hing ka bang hi;
na gahphatna kei tung pan ahi hi.”
9 A pil kua ahi hiam? Amah in hih nate thei ding hi. ^m
Thu theikak kua ahi hiam? Tuate a mah in theitel ding hi. ⁿ
TOPA lampite maan hi; ^o
thumaante in tuate tawn uh hi,
ahi hangin a lehdote tuate ah a kimuktu uh hi.